Кариб денгизидаги Курасао ороли тарихга кирди — у Жаҳон чемпионатига йўлланма олган энг кичик давлат бўлди. Курасао Ямайка билан дуранг ўйнаган ҳолда гуруҳ босқичида биринчи ўринни эгаллади.
Ушбу давлат аҳолиси 180 минг кишидан иборат бўлиб, майдони эса Тошкентнинг бир қисми билан тенгдир. Курасао футбол жамоасига собиқ Россия терма жамоаси бош мураббийи Дик Адвокат раҳбарлик қилмоқда.
Бу йилги Жаҳон чемпионатига чиққан кичик давлатлар рўйхати шунчаки Курасао билан чекланмайди. Қуйида Жаҳон чемпионатига чиқишга муваффақ бўлган энг кичик 10 давлат билан танишинг: 10.
Парагвай – 7 миллион аҳоли Парагвай 16 йиллик танаффусдан сўнг Жаҳон чемпионатига қайтмоқда. Жанубий Америка саралаш босқичида олтинчи ўринни эгаллаган ушбу давлат бир вақтлар 2010-йилда чорак финалга чиққан эди.
Таъкидлаш жоизки, Парагвай 2030-йилги Жаҳон чемпионатининг ҳам мезбон давлатларидан бири бўлиши режалаштирилган. 9.
Норвегия – 5,6 миллион аҳоли Норвегия 1998-йилдан бери илк бор Жаҳон чемпионатига йўлланма олди. Жамоанинг асосий юлдузи Эрлинг Холанд саралаш босқичида 8 ўйинда 16 та гол уриб, ўз мамлакатида финалга олиб чиқди.
8. Шотландия – 5,5 миллион аҳоли Шотландия футболчилари Неаполда ўтказилган сўнгги ўйинда Данияни 4:2 ҳисобида мағлуб этиб, 1998-йилдан бери илк бор Жаҳон чемпионатига чиқиш имкониятини қўлга киритди.
Аммо Шотландия ҳали бирор марта гуруҳ босқичидан ўтолмаган. 7.
Янги Зеландия – 5,2 миллион аҳоли Янги Зеландия 2010-йилдан бери илк бор Жаҳон чемпионатида қатнашади. Океания ҳудудида бўлиб ўтган саралаш босқичида Янги Зеландия финалда Янги Каледонияни мағлуб этди.
6. Панама – 4,5 миллион аҳоли Панама илк бор 2018-йилда Жаҳон чемпионатида иштирок этган эди.
Бу сафар эса улар КОНКАКАФнинг А гуруҳида биринчи ўринни эгаллади. 5.
Хорватия – 3,8 миллион аҳоли Хорватия футбол жамоаси 2022-йилда учинчи ўринни ва 2018-йилда иккинчи ўринни қўлга киритган эди. Лука Модрич бошчилигида жамоа саралаш босқичида кучли ўйин кўрсатди ва финалга йўлланма олди.
4. Уругвай – 3,3 миллион аҳоли Уругвай Жаҳон чемпионатини икки марта ютган энг кичик давлат ҳисобланади.
2010-йилги мусобақада улар чорак финалга чиққан, аммо сўнгги йиллардаги натижалари унчалик яхши эмас эди. Бу сафар улар ўз натижаларини яхшилашга умид қилмоқда.
3. Қатар – 3,1 миллион аҳоли 2022-йилда мезбон сифатида қатнашган Қатар бу сафар илк бор саралаш босқичидан ўтиб Жаҳон чемпионатига чиқди.
2. Кабо-Верде – 528 минг аҳоли Африка ҳудудидаги Кабо-Верде давлатининг Жаҳон чемпионати саралашида Камерунни мағлуб этиб, финал босқичига йўл олгани катта эътиборга сазовор бўлди.
1. Курасао – 185 минг аҳоли Курасао Жаҳон чемпионатига чиққан энг кичик давлат ҳисобланади.
Собиқ Россия терма жамоаси мураббийи Дик Адвокат бошчилигида улар Ямайкани мағлуб этиб, тарихда илк бор чемпионатда иштирок этади.
Меҳмон гуруҳидаги фойдаланувчилар ушбу мақолага изоҳ қолдира олмайди.
