Реал 70 миллион евронга ҳимоячи сотиб олиши мумкин

Франкфуртнинг “Айнтрахт” жамоаси ҳимоячиси Натаниел Браун Германиянинг Бундеслигасини тарк этиб, Испания чемпионатига йўл олиши мумкин. Мадриднинг “Реал” клуби ушбу футболчини ўз сафида кўришга қизиқиш билдирмоқда.

Sky Sport Germany журналистлари маълумотига кўра, “қиролича” клуби 22 ёшли футболчини 2026-йил ёзида трансфер қилишни режалаштирган. Немис жамоаси ҳимоячини 60-70 миллион евродан баҳоламоқда.

Браун “Айнтрахт” билан 2030-йилнинг ўрталаригача шартнома имзолаган. 2025/2026-йилги мавсумда Натаниел 18 учрашувда майдонга тушиб, 1 та гол ва 3 та голли узатмани амалга оширган.