Украина терма жамоаси ва Киевнинг "Динамо" жамоаси собиқ ҳужумчиси Андрей Шевченко хорватиялик ярим ҳимоячи Лука Модричнинг "Милан"даги ўйини ҳақида фикр билдирди. Тажрибали футболчи ушбу ёзда Мадриднинг "Реал" клубидан Италиянинг "Милан" жамоасига ўтган эди.
"Лукани бошқа бирор футболчи билан солиштиришнинг имкони йўқ. Модрич – катта маҳоратга эга бўлган футбол даҳоси.
У "Милан"га катта мотивация билан келган ва унинг ичида ҳали жуда кўп энергия бор. Лука ўйинга бор кучи билан, юз фоиз берилиб ҳаракат қилмоқда", – дейди Шевченко "Tuttosport" нашрига берган интервьюсида.
Жорий мавсумда 40 ёшли Модрич "Милан" сафида 14 учрашувда майдонга тушиб, бир бор рақиб дарвозасини ишғол қилди ва икки марта голли узатма берди. Ҳозирда "россонери" Италия А Серияси турнир жадвалида 28 очко билан иккинчи ўринни эгаллаб турибди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
