Ланс ва Лилл Лигада навбатдаги ғалабаларга эришди

Франция Лигасининг 16-тури доирасидаги бир қатор учрашувлар якунланди. Ланс ўз майдонида Ниццани 2:0 ҳисобида мағлуб этди ва турнир жадвалида яна юқори поғоналарга кўтарилди.

Мезбонлар сафида Одсон Эдуар дубл қайд этди: у 15 ва 57-дақиқаларда рақиб дарвозасини ишғол қилди. Страсбург ҳамда Лорьян ўртасидаги баҳс эса голсиз дуранг билан якунланди — 0:0.

Турнинг энг сермаҳсул ўйинларидан бири Осерда бўлиб ўтди. Осер ва Лилл учрашувида меҳмонлар 4:3 ҳисобида ғалаба қозонди.

Лилл ўйин сўнгида ҳал қилувчи голни уриб, уч очкони қўлга киритди. Бу учрашувда ҳакам жами тўртта қизил карточка кўрсатди.