Бундан роппа-роса уч йил аввал Қатарда бўлиб ўтган жаҳон чемпионати финали футбол мухлисларига унутилмас баҳс тақдим этганди. Ҳал қилувчи ўйинда Аргентина ва Франция асосий ҳамда қўшимча бўлимларда 3:3 ҳисобида дуранг қайд этиб, ғолиб пеналтилар сериясида аниқланган эди.
Якунда аргентиналиклар серияда устун келиб, чемпионликни қўлга киритди. Аргентина терма жамоаси сардори Лионель Месси миллий жамоанинг ўша триумфини ижтимоий тармоқларда эслади.
Саккиз карра "Олтин тўп" соҳиби 2022 йил 18 декабр куни эълон қилган постини қайта улашди. Асосий суратда Месси жаҳон кубогини қўлида ушлаб тургани акс этган.
Месси репостга учта юлдузча билан ифодаланган иборани ҳам илова қилди. Бу юлдузчалар Аргентинанинг жаҳон чемпиони сифатидаги учинчи унвонини англатади.
Мазкур жумла мазмунан шундай ўқилади: "Жаҳон чемпионлиги учинчи титулини қўлга киритганимизга уч йил бўлди". Уч йил аввал айнан шу кунда Месси жаҳон кубогини боши узра кўтарган эди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
