Давиде Анчелотти Бразилиянинг «Ботафого» клубида бош мураббийлик лавозимини тарк этди. 36 ёшли мутахассис июль ойида ушбу жамоага келганди ва бу унинг мустақил бош мураббий сифатидаги илк тажрибаси бўлди.
Яқинда италиялик мураббий шартномани узайтирмасликка қарор қилгани маълум бўлди, энди эса унга Европадан қизиқиш пайдо бўлаётгани ҳақида хабарлар тарқалмоқда. Журналист Николо Скира маълумотига кўра, Анчелотти кичикни Испаниянинг «Райо Валйекано» клуби кўриб чиқмоқда.
Ҳозирча унинг Мадрид жамоасида айнан қайси ролда ишлаши мумкинлиги аниқлаштирилмаган. «Райо Валйекано»ни ҳозирда Иньиго Перес бошқаради.
Жамоа Ла Лига турнир жадвалида 13-ўринда бормоқда, шунингдек, умумий босқич якунларига кўра Конференциялар лигасининг 1/8 финалига тўғридан-тўғри йўл олди. Давиде Анчелотти аввалроқ отаси Карло Анчелоттининг мураббийлар штабида, хусусан, Мадриднинг «Реал» клубида ассистент сифатида ишлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
