Чанг'i спорти бўйича Олимпиада чемпиони Вероника Степанова "ПСЖ" дарвозабони Матвей Сафонов ҳақида илиқ фикр билдирди. Унинг айтишича, парижликлар голкиперини ҳозирдоқ "Вашингтон Кепиталз" ҳужумчиси Александр Овечкин билан қиёслаш мумкин. Бу ҳақда euro-football.ru хабар беради.
"Спортчи мамлакат миқёсида қанчалик фойда келтиряпти, шундан келиб чиқиб баҳолаш керак. Натижалари бўйича Сафоновни Александр Овечкинга тенглаштириш мумкин", — дея Степанованинг сўзларини келтиради "Матч ТВ".
Степанова бу фикрини шундай изоҳлади: Сафонов ҳам, Овечкин ҳам ўз ютуқлари билан болаларнинг спортга қизиқишини оширди, ёшлар кўпроқ машғулотларга кириша бошлади.
Эслатиб ўтамиз, жорий йил баҳорида Овечкин НҲЛ мунтазам чемпионатларидаги голлар бўйича афсонавий канадалик Уэйн Гретскининг рекордини янгилаганди. Матвей Сафонов эса декабрь ойида "ПСЖ"га Қитъалараро кубокни ютишда ёрдам берди ва тарихда биринчи бўлиб, ўйиндан кейинги пенальтилар сериясида кетма-кет тўртта зарбани қайтарган дарвозабонга айланди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
