Машҳур мураббий Сергей Кирьяков 2025 йил якунларига кўра дунёнинг энг кучли уч жамоаси борасида фикр билдирди. Мутахассис нафақат номларни айтди, балки уларни аниқ ўринларга ҳам жойлаштирди. Бу ҳақда euro-football.ru хабар беради.
Кирьяков рейтингнинг биринчи поғонасига Испания терма жамоасини қўйди. Гарчи “қизил фурия” ёзда Миллатлар лигаси финалида Португалияга 2:2 ҳисобидан кейин пеналтилар сериясида ютқазган бўлса-да, мураббий испанларни даража ва барқарорлик бўйича яққол етакчи деб ҳисобламоқда.
“Испания терма жамоаси биринчи ўринда. Уларнинг савияси ва ишончлилигига кимдир яқинлашишини тасаввур қилиш қийин. Иккинчи ўринга ПСЖни қўяман. Учинчига Баварияни — баъзи омадсиз ўйинларига қарамай, улкан салоҳият кўрсатди”, — дея Кирьяковнинг сўзларини LiveSport келтирди.
Кирьяков иккинчи ўринга қўйган ПСЖ 2025 йилни жуда муваффақиятли ўтказди. Луис Энрике бошқарувидаги жамоа олти совринни қўлга киритди ва клуб тарихида илк бор Европа чемпионлари кубогини ҳам ютишга эришди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
