«Реал» Винисиус, Карвахаль ва Рюдигер келажагидан иккиланмоқда
«Реал» клубида Винисиус Жуниор, Дани Карвахаль ва Антонио Рюдигернинг келажаги борасида саволлар пайдо бўлди. Клуб раҳбарияти ушбу футболчиларнинг жамоада қолишини таъминлашда тўлиқ ишонч билдирмаяпти. Винисиуснинг шартномаси 2027 йилгача, Карвахаль ва Рюдигернинг битимлари эса келаси ёзда тугайди.
Мадриднинг «Реал» клубида уч нафар юлдуз футболчининг кейинги мавсумдаги тақдири борасида саволлар пайдо бўлди. Гап Винисиус Жуниор, Дани Карвахаль ва Антонио Рюдигер ҳақида кетмоқда. ESPN хабарига кўра, «қиролича клуб» раҳбарияти бразилиялик, испаниялик ва германиялик футболчилар жамоада қолиш-қолмаслигига тўлиқ ишонч билдирмаяпти. Бу ҳақда euro-football.ru хабар беради.
25 ёшли Винисиуснинг «Реал» билан амалдаги шартномаси 2027 йилгача мўлжалланган. Карвахаль (33) ва Рюдигер (32) билан тузилган битимлар эса келаси ёзда якунига етади.
«Реал» навбатдаги учрашувини 4 январ куни «Бетис»га қарши ўтказади. Хаби Алонсо бошқарувидаги жамоа Ла Лигада 18 турдан сўнг турнир жадвалида иккинчи ўринда бормоқда.
Изоҳлар 0
…