«Милан»нинг собиқ футболчиси Алессандро Костакурта клубнинг ҳозирги қиёфасини «ғалаба қозонадиган» жамоа сифатида таърифлади. Унинг фикрича, бундай руҳ ва натижа Массимилиано Аллегри ўтган ёзда бош мураббийликни қабул қилиб олганидан кейин шаклланди. Бу ҳақда euro-football.ru хабар беради.
Костакурта «Кальяри»га қарши ўйинни мисол қилиб келтирди: рақиб учрашув олдидан ёмон формада эмасди, аммо баҳс давомида дарвоза тўсиғига бирор марта ҳам аниқ зарба бера олмади. Экс-ҳимоячининг таъкидлашича, бу — «Милан»нинг синфи ва тартибли ўйинидан далолат берадиган ижобий белги.
Эслатиб ўтамиз, айни пайтда «Милан» А Серия турнир жадвалида иккинчи ўринда бормоқда. Кейинги турда миланликлар «Женоа»га қарши майдонга тушади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
