Италия чемпионатида биринчи давра якунидаги сўнгги учрашувлар ўтди. "Милан" ўз майдонида "Женоа"ни қабул қилди ва 1:1 ҳисобида дуранг қайд этди. Мезбонлар ҳисобни катта қийинчилик билан тенглаштирди, генуаликлар эса пенальтини ура олмагани "Милан"ни жиддий муаммолардан сақлаб қолди. Бу ҳақда euro-football.ru хабар беради.
Массимилиано Аллегри ўйиндан кейин жамоаси кўпроқ нарсага лойиқ бўлмаганини тан олди. Унинг айтишича, биринчи бўлим оғир кечди: рақиб Модрични шахсий назоратга олди ва бир нечта хавфли вазият яратди. Иккинчи таймда "Милан" тезликни оширди, шундан сўнг "Женоа" аста-секин ортга чекина бошлади.
Мураббий сўнгги дақиқалардаги эпизодлар сабоқ бўлиши кераклигини ҳам таъкидлади. "Милан" гол ургач, руҳий зарба олган рақибга қарши ғалабани илиб кетиш учун бир неча дақиқа имконият бўлган, бироқ жамоа қарши ҳужумда хато қилиб, вазиятни қўлдан чиқарган.
Ушбу дурангдан сўнг "Милан" турнир жадвалида "Интер"дан уч очкога ортда қолди.
“Zamin”ни Telegram'да ўқинг!
