Франция Суперкубогида «ПСЖ» «Марсель»ни драматик тарзда мағлуб этди. Асосий вақт 2:2 ҳисобида якунланди, пенальтилар сериясида эса парижликлар аниқроқ бўлиб, 4:1 натижасини қайд этди. Бу ҳақда euro-football.ru хабар беради.
Учрашувдан кейин «ПСЖ» бош мураббийи Луис Энрике ғалабада омад омили ҳам борлигини таъкидлади. Унинг айтишича, жамоа футболчилари ва дарвозабонлар мураббийлари айнан шундай лаҳзалар учун тинмай ишлайди.
«Бу ғалабада омаднинг ҳам улуши бор. Лекин футболчиларимиз ва дарвозабонлар мураббийлари шундай вазиятлар учун меҳнат қилади. Мен Шевалйе ва Сафонов учун хурсандман: ҳар сафар гап 11 метрлик зарбаларга бориб тақалса, улар ўз даражасини кўрсатади», — дея Энрикенинг сўзларини келтиради Culture PSG.
Ўйинда Шевалйе «Марсель» футболчиларининг икки зарбасини қайтарди ва пенальтилар сериясида муҳим роль ўйнади. Россиялик Матвей Сафонов эса қўлидаги жароҳат сабаб Суперкубок баҳсини ўтказиб юборди.
“Zamin”ни Telegram'да ўқинг!
