«Наполи»нинг бразилиялик вингери Давид Нерес чап товонидаги муаммони бутунлай бартараф этиш учун жарроҳлик амалиётига ётади. Операция Лондонда ўтказилади ва футболчи аллақачон у ерга етиб борган. Бу ҳақда euro-football.ru хабар беради.
Бу қарор Нерес учун кўпроқ вақт йўқотиш эвазига бўлса-да, жароҳатни узил-кесил даволатиш мақсадида қабул қилинган. Амалиётдан кейин унга тикланиш учун камида яна икки ой керак бўлади.
Аввалроқ январ бошида «Лацио»га қарши ўйинда жароҳат олган футболчи тахминан бир ой сафдан чиқиши кутилганди. Энди эса жарроҳлик сабаб муддат анча чўзилади.
Бу хабар Антонио Конте ва «Наполи» мухлислари учун ёқимсиз: жамоа лазарети аллақачон жароҳатланган футболчилар билан тўлиб турган бир пайтда Нереснинг ҳам узоқ муддатга сафдан чиқиши муаммоларни кўпайтиради.
“Zamin”ни Telegram'да ўқинг!
