«Латсио» таркибини ёш дарвозабон Эдоардо Мотта тўлдирди

Римнинг «Латсио» клуби таркибига янги дарвозабон қўшилди. Жамоа 21 ёшли посбон Эдоардо Моттани ўз сафига қўшиб олганини клубнинг расмий сайти тасдиқлади. Бу ҳақда euro-football.ru хабар беради.

Мотта «Режана»дан сотиб олинди. Ушбу жамоа Италия футболининг иккинчи даражали лигаси — А Сериясидан кейинги В Сериясида иштирок этади.

Журналист Жанлука ди Марсио хабарига кўра, «Латсио» трансфер учун «Режана»га 1,2 млн евро тўлаган.

Жорий мавсумда Мотта 21 ўйинда майдонга тушиб, 31 та гол ўтказиб юборди. Беш учрашувда эса дарвозасини дахлсиз сақлаб қолди.

Айни пайтда «Латсио» А Серияси жадвалида 29 очко билан 9-ўринда бормоқда.

Abror Tovmurodov

«ZAMIN.UZ» муҳаррири