Криштиану Роналду мураббий билан келишувга кўра ОФК Чемпионлар Лигаси 2 гуруҳ босқичи учрашувларида майдонга тушмаяпти. Бироқ жамоа етакчисиз ҳам ишончли натижа кўрсатмоқда. Бу ҳақда euro-football.ru хабар беради.
Чоршанба куни Ал-Наср гуруҳдаги бешинчи ўйинида ҳам ғалаба қозониб, Тожикистонда “Истиқлол”ни 4:0 ҳисобида тор-мор этди. Шу тариқа саудияликлар бешта ўйиннинг барчасида максимум очко жамғариб, кейинги босқичга биринчи ўрин билан йўл олди.
Учрашувдан сўнг Роналду ижтимоий тармоқларда Ал-Насрнинг пешқадам сифатида кейинги босқичга чиққанини ҳақидаги постни репост қилди ва унга икки эмодзи — олов ҳамда қарсакни қўшди.
Ҳозир 40 ёшда бўлган Криштиану Роналду Ал-Наср билан амалдаги шартномага эга ва у 2027 йилнинг ўрталаригача мўлжалланган.
Шу билан бирга интернетда Роналду ва Тожикистон ҳақидаги сохта хабар ҳам муҳокамаларга сабаб бўлмоқда.
“Zamin”ни Telegram'да ўқинг!
