Мадриднинг «Реал» клуби собиқ ҳужумчиси Предраг Миятович «қироллик» жамоасининг бугунги таркибида ҳақиқий етакчи футболчи кўринмаётганини таъкидлади. Бу ҳақда euro-football.ru хабар беради.
Унга кўра, «Реал»га жамоани ортдан эргаштирадиган характерли лидер зарур. Миятович ҳозирги таркибда Херро, Рамос, Модрич ёки Бензема каби етакчига ўхшаш футболчи йўқлигини айтди. Мбаппе масаласида эса: «Килиан зўр футболчи, кўп гол уради, аммо у лидер эмас. Ҳозир майдонда иш юришмай қолса, жамоадошларига талаб қўя оладиган, керак бўлса уларни “силкитиб” юборaдиган футболчи йўқ», — дея Diario Sport нашри собиқ ўйинчининг сўзларини келтирди.
«Реал» сўнгги учрашувида сафарда Лиссабоннинг «Бенфика» клубига 2:4 ҳисобида имкониятни бой берди. Ушбу мағлубиятдан кейин мадридликлар топ-8дан тушиб кетди ва Европа Чемпионлар лигасида плей-офф йўлланмаси учун саралаш босқичида ўйнайди.
“Zamin”ни Telegram'да ўқинг!
