Аргентиналик футболчи Мауро Икарди Италиянинг "Интер" жамоасида ўзини бахтли ҳис қилмоқда. Испаниянинг машҳур нашрларидан бири "Марка" Икарди билан интервью уюуштириб, "Барселона"дан нега кетгани, Месси ва Роналду, "Олтин бутса" ва кўп нарса ҳақида гаплашишди. Қуйида ушбу суҳбатни ўқишингиз мумкин.
— Ушбу мавсумда 31та ўйинда 18та гол урдингиз. Бу сиз учун қандай натижа?
— Жуда зўр. Мавсумни яхши бошладим, кўп голлар урдим ва охири ҳам яхши якунланишига умид қиламан.
— "Интер" ҳозирда 6-ўринда бормоқда, Европа лигаси ва Италия кубогидан чиқиб кетди. Нима учун?
— Бунга аниқ жавоб бериш қийин. "Интер"ни сотиб олган одам жамоани Европада тенгсиз қиламан, деб ўйлаганди. Ҳозир ҳам шу жараён давом этмоқда.
— Жамоа ўйинлари сизга боғлиқми?
— Мен жамоа ва мураббий билан ўйнайман, боримни бераман. Мен ҳужумчиман ва ишимни яхши кўраман, лекин баъзида жамоадошларимга ҳам ассистентлик қиламан. Ғалаба қозонсак, кейин нима десангиз, денг.
— Қайд этган натижаларингиз билан "Олтин бутса"ни олишингиз мумкинми?
— Ростини айтсам, бунга ҳали вақт бор. Месси ва Суарес бир ўйинда 4-5талаб гол урадиган Испания чемпионатида эмасман. Қийини бўлса ҳам, ҳаракат қиляпман. Май ойида, чемпионат якунланганда, қайд этган натижаларимни ҳисоб-китоб қилсангиз бўлади.
— Игуаин, Дибала ва сиз Италияда порладингиз. Аргентиналик ҳужумчилар даври келдими?
— Италияда кўпчиликмиз, лекин энг зўр аргентиналик ҳужумчи Месси ва у Испанияда ўйнайди.
— Қачондир Месси билан ўйнашни истайсизми?
— Бу орзуларимдан биттаси, чунки терма жамоага чақиришса, у билан, дунёнинг энг яхши футболчиси билан бирга ҳаракат қиламан. Бу мен учун фахр бўларди.
— Роналду билан-чи?
— Криштиану Роналду бошқа сайёрадан, лекин аргентиналик бўлганим учун Месси билан қоламан.
— Кузда "Интер" билан янги шартнома имзоладингиз. Нимага?
— Чунки бир йил олдин шунга келишгандик.
— Сизга бошқа чемпионатлардан ҳам таклифлар тушганми?
— Ҳа, лекин мен ҳамиша "Интер" мухлиси эканимни айтганман. Бу либосни кийиб, керакли натижага эришиш мен учун жуда муҳим.
— Испаниядан таклиф тушганми, масалан, "Реал" ёки "Атлетико"дан?
—Ҳа, ҳужумчи бўлганим ва кўп гол урганим сабабли таклифлар ҳам етарлича. Бироқ, айтганимдек, менга шу клубда ўйнаш ва ғалаба қозониш ёқади.
— Аргентиналик бўлсангиз ҳам, болалигингизда Испанияга, Канар оролларига келгансиз. Ўша пайтда бирор нима ёдингизда қолганми?
— Аввалига футбол ҳобби эди, кейин "Барселона"га ўтиш имконияти пайдо бўлганда асосий ишимга айланди. Яхшигина пул топиш мумкинлигини англадим.
— "Барселона"ни илк ўйиндан кейиноқ тарк этдингиз. Оғир ботмадими?
— Йўқ. "Барселона" услуби менга тўғри келмади, шунинг учун Италия футболини танладим.
— Ла-лигада ўйнашни истармидингиз?
— Мен фақат "Интер"да қоламан. Ким нима деса, қандай мунозара олиб борса ҳам, барибир келажагим ҳамиша "Интер" билан. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Кипр ҳукумати россиялик ва украиналик миллиардерларнинг «олтин» паспортларини олиб қўйди
Ўзбекистонда онкологик касалликка чалинган аёллар бепул даволанади
Вирус UFC ни дунёга танитди
Британияда 3 та ҳарбий база узра УУА парвози қайд этилди
"Пахтакор"нинг ўйини мутахассис нигоҳида: "Менимча, ғалаба учун эмас, бир очкони сақлаб қолиш учун ўйнади"
Асир: Украина аскарлари отишни интернетдаги видеолар ёрдамида ўрганишади
БААда исроиллик раввин ўлдирилиши юзасидан Ўзбекистон томони баёнот берди
