Буффон Пио Эспозитони Италия терма жамоасининг келажаги деб билди
Жанлуижи Буффон “Интер” сафида тўп сураётган Пио Эспозитони ҳозирги пайтдаги энг истиқболли италиялик футболчи деб атади. У ёш футболчини шахсан кузатгани ва Эспозито унда катта таассурот қолдирганини айтди. Буффон футболчининг камтарлиги, профессионаллиги, кучли мотивацияси ва майдондаги иштиёқини таъкидлаб, уни Италия терма жамоасининг жаҳон чемпионатидаги таркибига ҳеч иккиланмасдан киритишини билдирди.
Туриннинг “Ювентус” клуби ва Италия терма жамоасининг собиқ дарвозабони Жанлуижи Буффон ҳозирги пайтдаги энг истиқболли италиялик футболчи кимлигини айтди. Унинг фикрича, бу ном миланлик “Интер” сафида тўп сураётган Пио Эспозитога лойиқ. Бу ҳақда euro-football.ru хабар беради.
Буффон ёш футболчини шахсан кузатиб боргани ва Эспозито унда катта таассурот қолдирганини таъкидлади. “У камтар, профессионал, кучли мотивацияга эга ва майдонда доимо иштиёқ билан ҳаракат қилади. Мен уни жаҳон чемпионатига Италия терма жамоаси таркибига ҳеч иккиланмасдан олган бўлардим”, — дея Буффоннинг сўзларидан иқтибос келтиради calcionapoli1926.it.
Эслатиб ўтамиз, ҳозирда “Интер” Италия чемпионати турнир жадвалида пешқадам бўлиб турибди.
Изоҳлар 0
…