ПСЖ бош мураббийи Луис Энрике жамоа ҳимоячиси Иля Забарний атрофидаги вазият ҳақида фикр билдирди. Украиналик футболчининг Париж клубига мослашиш жараёни бироз қийин кечаётгани ҳақида гап-сўзлар бор. Забарний ПСЖ сафига ёзда «Борнмут»дан келиб қўшилганди. Бу ҳақда euro-football.ru хабар беради.
Энрикенинг айтишича, клуб трансфер қиладиган футболчиларга жуда синчков ёндошади ва ҳар бир ўйинчига мослашиш учун вақт керак бўлади. Мураббий ёзда келган футболчилар борасида хавотирда эмаслигини таъкидлади. Шунингдек, Франция кубогидан чиқиб кетилгани сабабли ротация қилиш имкониятлари камайганини, бироқ ўйинчилар ҳар лаҳзада майдонга тушишга тайёр туриши зарурлигини қўшимча қилди. Энрике Забарний ҳамда камроқ ўйнаётган бошқа футболчилар яқин вақтда ўйин амалиётига эга бўлишига ишонч билдирди.
13 февраль, жума куни ПСЖ Франция чемпионатида сафардa «Монако»га қарши баҳс ўтказади.
“Zamin”ни Telegram'да ўқинг!
