Кеча Англия Футбол асссоциацияси Томас Туҳел билан шартнома узайтирилганини эълон қилди. Немис мутахассис Англия терма жамоаси бош мураббийи сифатида ишини давом эттиради. Бу ҳақда euro-football.ru хабар беради.
The Touchline хабарига кўра, ФАдаги айрим юқори лавозимли амалдорлар бу қарордан қониқмаган. Уларнинг фикрича, Туҳел бўйича якуний хулосани жаҳон чемпионатидан кейин чиқариш керак эди — натижа билан бирга, тактика фалсафаси ва етакчилик фазилатларини ҳам турнир якунида баҳолаш маъқул бўларди.
Ассоциация ичидаги айрим вакиллар шартнома узайтирилиши Туҳелни бошқа ишга олиб кетишларидан чўчиш билан боғлиқ бўлганини ҳам истисно қилмаяпти.
Аввалроқ Томас Туҳел ёзги режалар бўйича «Манчестер Юнайтед»нинг қисқа рўйхатига киргани ҳақида миш-мишлар тарқалган эди.
“Zamin”ни Telegram'да ўқинг!
