Бундеслиганинг шанба кунги ўйинида «Бавария» ҳужумчиси Гарри Кейн «Вердер»га қарши баҳсда (3:0) иккита гол урди. Англиялик форвард 22-дақиқада пеналтни аниқ ижро этди, 25-дақиқада эса ўйиндан гол киритди. Бу ҳақда euro-football.ru хабар беради.
32 ёшли ҳужумчи Германия чемпионатининг жорий мавсумида 12 тур қолган бир пайтда 26 та гол жамғарган. Ўйиндан кейин журналистлар ундан Роберт Левандовскининг Бундеслигадаги 41 голлик рекордини янгилаш имконияти бор-йўқлигини сўрашди.
«Ҳар нарса бўлиши мумкин, аммо ҳозирча бу кўрсаткичдан анча йироқдаман. Бу рекорд — ақлбовар қилмас даражада. Ҳозир формада эканимдан ва жамоага фойдам тегаетганидан хурсандман. Апрелда ўзимни қандай ҳис қилишимни кўрамиз, кейин рекорд ҳақида ўйлайман. Ҳозир эса кейинги ўйинга эътибор қаратиш керак», — дея Кейннинг сўзларини Bayern & Germany келтирди.
Шунингдек, «Вердер» дарвозасига киритилган иккинчи гол Кейн учун фаолиятидаги 500-гол бўлди.
“Zamin”ни Telegram'да ўқинг!
