Португалия терма жамоаси бош мураббийи Роберто Мартинес Криштиану Роналду қачон футболчилик фаолиятини тугатиши мумкинлиги ҳақидаги саволга муносабат билдирди. Бу ҳақда euro-football.ru хабар беради.
Февраль ойи бошида 41 ёшни қарши олган Роналду ҳали ҳам юқори спорт формасида экани таъкидланди.
Мартинес BBC билан суҳбатда Роналду жисмоний кўрсаткичлари ҳали узоқ вақт ўйнашга етишини, бироқ якуний қарор футболчининг ўзига боғлиқлигини айтди. Мураббийга кўра, Роналду ўта ўзига талабчан: у жамоага фойдаси камайганини сезса, шунда фаолиятини тўхтатиш бўйича қарорга келади.
Клуб миқёсида эса Роналду “Ан-Наср” сафида тўп сурмоқда. ОАВ хабарларига кўра, португалиялик юлдуз шанба куни бўлиб ўтадиган учрашувда жамоа таркибига қайтиши кутилмоқда. У клуб бошқарувидан норози бўлгани сабабли бир неча ўйинда майдонга тушмаган.
“Ал-Фатеҳ” — “Ан-Наср” баҳсини LiveResult’да матнли трансляция орқали кузатиш мумкин.
“Zamin”ни Telegram'да ўқинг!
