Туриннинг «Ювентус» клуби «Борнмут» марказий ҳимоячиси Маркос Сенесини таркибга қўшиш устида иш олиб бормоқда. Бу ҳақда euro-football.ru хабар беради.
Аргентиналик футболчи муддати якунланаётган шартномани узайтирмасликка қарор қилган ва мавсум тугагач эркин агентга айланади. Журналист Николо Скира хабарига кўра, яқинда «Ювентус» вакиллари 28 ёшли ҳимоячининг агентлари билан учрашиб, эҳтимолий трансфер шартларини муҳокама қилган. Турин клуби Сенесига тўрт йиллик битим ва йилига 3 млн евро маош таклиф этишга тайёр.
Сенесининг вазиятини «Барселона», Мадриднинг «Атлетико»си, «Манчестер Юнайтед» ҳамда бир нечта номи ошкор этилмаган инглиз клублари ҳам кузатиб бормоқда. Дортмунднинг «Боруссия»си эса «Ювентус»никидан ҳам яхшироқ шартларни таклиф қилгани айтиб ўтилмоқда, бироқ футболчи ҳозирча ижобий жавоб бергани йўқ.
“Zamin”ни Telegram'да ўқинг!
