ПСЖ бош мураббийи Луис Энрике Мадриднинг «Реал» клуби футболчиси Винисиус Жуниор ва «Бенфика» вакили Жанлука Престианни атрофида юзага келган ирқий камситиш билан боғлиқ можаро юзасидан саволга жавоб берди. Бу ҳақда euro-football.ru хабар беради.
Учрашув вақтида бразилиялик футболчи ҳакамга аргентиналик рақиб томонидан айтилган ҳақоратлардан шикоят қилган. Престианнига қандай жазо қўлланиши ҳозирча номаълум — барчаси айбловлар тасдиқланса, кейин ҳал бўлади.
«Расизм билан боғлиқ ҳолатми? Бу борада нима дейишим мумкин? Муҳими йўқ. Престианни узр сўрасин ва бу мавзуни ёпайлик, тамом», — деди Энрике матбуот анжуманида.
Португалия пойтахтида сешанба куни бўлиб ўтган «Бенфика» — «Реал» баҳсида меҳмонлар 1:0 ҳисобида ғалаба қозонди. Жавоб учрашуви келаси ҳафта, 25 февраль куни бўлиб ўтади.
“Zamin”ни Telegram'да ўқинг!
