Италия А Сериясининг навбатдаги турида «Рома» ўз майдонида «Кремонезе»ни йирик ҳисобда мағлуб этди — Давиде Никола бошқарувидаги жамоа дарвозасига жавобсиз учта гол урилди. Бу ҳақда euro-football.ru хабар беради.
Учрашувдан сўнг меҳмонлар бош мураббийи ўйин якунларини баҳолади. Никола жамоаси фақат дастлабки бир соат давомида тартибли ва интизомли ҳаракат қилганини, кейин эса вазият бутунлай ўзгарганини таъкидлади.
«Мағлуб бўлсанг, доим саволлар туғилади — ютқазишни ҳеч ким ёқтирмайди. Биринчи 60 дақиқада жуда уюшқоқлик билан ўйнадик, керакли жанговор руҳ ҳам бор эди. Кейин ҳаммаси бошқача бўлиб кетди. Шундай бўлса-да, менимча, биз «Кремонезе» ҳурматга лойиқ эканини кўрсатдик. Очко йиғиш эса ҳар доим осон бўлмаган», — дея Николанинг сўзларини forzaroma.info келтиради.
Ушбу мағлубиятдан кейин «Кремонезе» А Серия турнир жадвалида 16-ўринга тушиб кетди.
“Zamin”ни Telegram'да ўқинг!
