Италия А сериясида 27-тур учрашувлари давом этмоқда. "Милан" "Кремонезе"га қарши баҳсда анча қийналди, бироқ ўйиннинг сўнгги дақиқаларида кетма-кет икки гол уриб, ғалабани илиб кетди. Бу ҳақда euro-football.ru хабар беради.
Учрашувдан кейин голлардан бирига муаллифлик қилган сербиявий ҳимоячи Страхинья Павлович фикр билдирди. Унинг зарбаси бироз омадли чиққан бўлса-да, VAR текшируви гол қоидалар доирасида эканини тасдиқлади.
"Ўйин оғир кечди, лекин уч очкони олдик. Ўзимнинг ўйинимдан ва умуман мавсумдан мамнунман. Мураббий билан жуда яхши чиқишиб кетдик", — дея Павловичнинг сўзларини келтиради pianetamilan.it.
Ушбу ғалаба "россонерилар"га А серияси турнир жадвалида иккинчи ўринни сақлаб қолиш имконини берди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
