Англия футболи афсонаси Уэйн Руни фаолиятини якунлаганидан буён кўрган энг ҳаяжонли ўйин сифатида "Wрехҳам" ва "Челсеа" ўртасидаги Англия кубоги баҳсини эътироф этди. Унинг сўзларига кўра, ушбу учрашув ҳатто ўтган йилги Чемпионлар лигаси ярим финалидан ўрин олган "Интер" ва "Барcелона" ўртасидаги тарихий тўқнашувдан ҳам таъсирлироқ бўлган. Бу ҳақда goal.com хабар беради.
Учрашув "Cае Рас" стадионида юқори темпда ўтди. "Wрехҳам" жамоаси сенсация кўрсатишга яқин келди, аммо 114 дақиқада киритилган гол VAR тизими томонидан офсайд сабабли бекор қилинди. Якунда "Челсеа" 4-2 ҳисобида ғалаба қозониб, кейинги босқичга йўл олди. Руни стадиондаги муҳит ва мухлисларнинг қўллаб-қувватлаши уни ўзига хос тарзда ҳайратга солганини таъкидлади.
Собиқ футболчи ўз интервьюсида шундай деди: "Футболчилик фаолиятимни тугатганимдан бери кўрган энг завқли ўйиним шу бўлди. Атмосфера ва мухлислар шунчаки ажойиб эди. "Интер" ва "Барcелона" ўйини ҳам жуда кучли эди, аммо бу сафарги баҳс ундан ҳам устунроқ бўлди".
Гарчи ўйинда "Wрехҳам" эгалари Раян Рейнолдс ва Роб Макелхенни ҳам ҳозир бўлган бўлса-да, Руни улар билан учрашишга имкон топа олмади. "Wрехҳам" эса эндиликда ўзининг асосий мақсади бўлган Англия премьер лигасига чиқиш йўлида курашни давом эттиради.
“Zamin”ни Telegram'да ўқинг! 
