Бугун, 11 март куни УЕФА Чемпионлар лигасининг 1/8 финал босқичи доирасида футбол мухлислари интизор бўлиб кутган тўқнашув бўлиб ўтади. Мадриднинг “Реал” жамоаси ўз уйи — “Сантяго Бернабеу” стадионида “Манчестер Сити”ни қабул қилади. Бу жуфтлик сўнгги йилларда ЕЧЛнинг энг кўп муҳокама қилинадиган, энг шиддатли ва энг драматик рақобатларидан бирига айланиб улгурган.
Энг қизиғи, бу икки гранд деярли ҳар гал учрашганда ўйин “оддий сценарий”га бўйсунмайди: голлар, тезкор бурилишлар, охирги дақиқалардаги қалтирашлар ва ҳатто пенальтилар серияси — бу дуэлнинг “доимий меню”сига ўхшаб қолган.
Қуйида “Реал” ва “Манчестер Сити”нинг сўнгги бешта ўзаро баҳси натижалари:
• 10.12.2025 | Чемпионлар лигаси (умумий босқич, 6-тур): “Реал” — “Манчестер Сити” 1:2
• 19.02.2025 | Чемпионлар лигаси (стиковый матч, жавоб): “Реал” — “Манчестер Сити” 3:1
• 11.02.2025 | Чемпионлар лигаси (стиковый матч, 1-ўйин): “Манчестер Сити” — “Реал” 2:3
• 17.04.2024 | Чемпионлар лигаси (1/4 финал, жавоб): “Манчестер Сити” — “Реал” 1:1 (пен. 3:4)
• 09.04.2024 | Чемпионлар лигаси (1/4 финал, 1-ўйин): “Реал” — “Манчестер Сити” 3:3
Бу рақамларнинг ўзиёқ ҳамма нарсани айтиб турибди: икки жамоа ўртасидаги ҳар бир учрашувда интрига тирик, голлар кўп, натижа эса кўпинча “битта майда эпизод”га боғланиб қолади. Бир йил 3:3, кейин пенальти драмаси, кейин яна ўзаро “алмашган” ғалабалар — бу рақобатда ҳеч кимга осон бўлмаган, бугун ҳам осон бўлиши кутилмаяпти.
Қисқаси, 11 мартги Бернабеудаги тўқнашув навбатдаги катта тарихга айланиши мумкин. “Реал” уйдаги кучли муҳитга суянади, “Сити” эса ўз услуби ва темпи билан жавоб қайтаришга уринади. Мухлислар учун эса битта гап: бу кеча яна нерв, яна драма, яна катта футбол бўлади.
“Zamin”ни Telegram'да ўқинг!
