Италия миллий терма жамоаси делегацияси раҳбари Жанлуижи Буффон Жаҳон чемпионати–2026 плей-офф финалида Босния ва Герцеговинага қарши (1:1, пенальтилар — 1:4) учрашувдан сўнг ўз фикрлари билан ўртоқлашди. Бу мағлубият Италия учун кетма-кет учинчи бор жаҳон чемпионатига йўл ололмаслик билан якунланди.
Учрашувдан сўнг, Италия футбол федерацияси раиси Габриэле Гравина Женнаро Гаттузо ва Буффондан жамоада қолишни сўраганини маълум қилди. Буффон эса ҳозирги вазиятнинг жуда нозик ва ҳал қилиш учун диққат талаб қиладиган палла эканини таъкидлади.
“Ҳозирги палла жуда нозик. Вазирият ва федерация билан биргаликда вазиятни холис ва тўғри баҳолашимиз учун вақт керак. Мавсум июнда якунланади, шу боис шу вақтгача қолиш федерация, президент ва ишонган барча инсонларга нисбатан адолатли қарор бўлади”, — деди Буффон.
Унинг фикрича, агар жамоанинг ўйинида ижобий ўзгариш ва ривожланиш кузатилса, бу жуда қувонарли бўлади. Аммо асосий мақсад – Жаҳон чемпионатига чиқиш эди ва бу имкониятдан маҳрум бўлиш ҳақиқатан ҳам оғриқли.
Буффон ҳозир аниқ ва адекват қарор қабул қилиш учун вазиятни чуқур таҳлил қилиш кераклигини таъкидлаб, июнгача ҳозирги позицияда қолишини маълум қилди ва кейин эса кейинги режаларни белгилашини айтди.
Италия мухлислари ва футбол дунёсининг эътибори энди терма жамоанинг кейинги ҳаракатларига қаратилган.
“Zamin”ни Telegram'да ўқинг!
