Мадриднинг “Реал” клуби бош мураббийи Альваро Арбелоа жамоанинг жорий мавсумдаги чемпионлик имкониятлари ҳақида ўз фикрларини билдирди. Унинг таъкидлашича, ҳали барча имкониятлар сақланиб турибди ва жамоа охиригача таслим бўлмайди.
32-турдан сўнг “қаймоқранглилар” Ла Лига жадвалида иккинчи ўринни эгаллаб турибди. Улар “Барселона”дан 6 очко орқада, бироқ каталонияликларда битта захира учрашуви мавжуд. Бу эса пойгани янада қиздириб юбормоқда.
Арбелоа вазиятга реал баҳо бериб, курашни тўхтатмаслик муҳимлигини айтди. Унинг сўзларига кўра, жамоа ҳар бир қолган ўйинни финалдек қабул қилиши керак.
“Имконият бор экан, биз курашни давом эттирамиз. Ҳеч нарса ниҳояга етгани йўқ. Умид қиламанки, мавсум жуда тез ҳам, жуда кеч ҳам якунланмайди”, — деди мураббий.
Шу билан бирга у футболчилардан максимал талаб қўйилишини таъкидлади. Арбелоа фикрича, жамоа ҳар бир учрашувда фақат ғалаба учун майдонга тушиши шарт, рақиб ким бўлишидан қатъи назар.
“Қолган барча ўйинларда ғалаба қозониш — ягона вазифа. Биз ўзимиздан кўпроқ нарса талаб қилишимиз керак”, — дея қўшимча қилди у.
Ҳозирги вазиятда “Реал” учун ҳар бир очко ҳал қилувчи аҳамиятга эга. Мавсум финали яқинлашган сари босим ҳам, рақобат ҳам ортиб бормоқда.
“Zamin”ни Telegram'да ўқинг!
