Бернарду Силва "Барселона"га ўтишни асосий мақсад қилмоқда
"Манчестер Сити"нинг португалиялик ярим ҳимоячиси Бернарду Силва фаолиятини "Барселона"да давом эттиришни асосий мақсад қилиб қўйган. Испания нашрларининг хабар беришича, каталонияликлар клуби футболчи учун энг жозибадор вариант ҳисобланади. Силва мавсум якунида "Манчестер Сити"ни эркин агент сифатида тарк этиш ниятида экани трансфер бозоридаги вазиятни янада қизитмоқда. "Ювентус" ҳам қизиқиш билдирган бўлса-да, асосий эътибор футболчининг "Барселона"га ўтиш имкониятига қаратилган.
“Манчестер Сити”нинг ҳужумга мойил ярим ҳимоячиси Бернарду Силва фаолиятини Испаниянинг “Барселона” клубида давом эттиришни истамоқда. Бу ҳақда “El Chiringuito” нашри маълум қилган.
Манбаларга кўра, 31 ёшли португалиялик футболчи учун каталонияликлар жамоаси асосий ва энг жозибадор вариант сифатида кўрилмоқда. У ўз фаолиятининг кейинги босқичини айнан Ла Лигада ўтказишни режалаштираётгани айтилмоқда.
Аввалроқ Силва жорий мавсум якунлангач, “Манчестер Сити”ни эркин агент сифатида тарк этиш нияти борлигини ҳам билдирган эди. Бу эса унинг трансфер атрофидаги вазиятни янада қизитди.
Жорий мавсумда ярим ҳимоячи барча мусобақаларни ҳисобга олганда 45 та ўйинда иштирок этган. У шу давр ичида 3 та гол уриб, 5 та голли узатма билан жамоасига ёрдам берган.
Шу билан бирга, футболчига Италиянинг “Ювентус” клуби ҳам қизиқиш билдирмоқда. Бироқ туринликлар Силванинг юқори молиявий талабларини қондиришда қийинчиликка дуч келиши мумкин.
Ҳозирги вазиятда эса асосий эътибор унинг кейинги қарорини кутишга қаратилган — Силва Европа трансфер бозорининг энг қизиқарли номларидан бирига айланиб улгурган.
Изоҳлар 0
…