11:35 / 05.04.2017
4 734

«Барселона»га ўйинни сотгани гумон қилинган жамоа директори ва бош мураббийси ҳибсга олинди

«Барселона»га ўйинни сотгани гумон қилинган жамоа директори ва бош мураббийси ҳибсга олинди
Испания полицияси Испания учинчи дивизионида қатнашадиган «Элденсе» жамоаси мураббийси Филиппо Вито ди Пьеррони қамоққа олди, дея хабар бермоқда Guardian нашрига таяниб "Соф.уз" сайти.

Ўтган ҳафтада Испания чемпионатининг учинчи дивизионида «Барселона Б» жамоаси «Элденсе» устидан 12-0 ҳисобида ғалаба қозонган эди. Шундан сўнг жамоа футболчиларидан бири Шайх Саъд ўйин келишилган бўлгани ҳақида баёнот берган. Ҳужумчи ўйиннинг келишилишида жамоанинг 4 нафар ўйинчиси ҳам иштирок этганини маълум қилган.

Шайх Саъднинг айтишича, ўйиннинг биринчи таймида 8-0, якунда эса 12-0 ҳисоби қайд этилиши олдиндан маълум бўлган. «Элденсе» футболчиси ўйиннинг келишилишида «Барселона Б» аъзоларининг айби йўқлигини, улар ўз вазифаларини бажаришганини ҳам таъкидлаган.

Италиялик мураббий душанба куни Элда шаҳрида ҳибсга олинган. У билан ирга жамоаси директори Нобиле Чапуани ҳам қўлга олинган. Полиция ўйиннинг келишилгани хусусида футболчилардан шикоят тушганини маълум қилди. Гумондорлар ўзларига қўйилган айбловни рад этишмоқда.

12-0 ҳисобидаги ғалаба испания 3 дивизиони тарихидаги рекорд кўрсаткич ҳисобланади. Ўйиндан сўнг «Элденсе» футболчилари мусобақада қатнашишдан бош тортишган. Жамоа италиялик инвесторлар билан шартномани ҳам бекор қилган.

Жамоа президенти Давид Агиларнинг айтишича, мураббий ўйинни келишиш орқали онлайн қимордан пул ишлашни мақсад қилган. «Элденсе» жамоаси 1921 йилда ташкил топган бўлиб, асосан иккинчи ва учинчи лигаларда ўйнаб келади. «Барселона Б» жамоаси эса «Барселона» суперклубининг ёшлар жамоаси ҳисобланади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » «Барселона»га ўйинни сотгани гумон қилинган жамоа директори ва бош мураббийси ҳибсга олинди