Италия А Сериясининг навбатдаги турида «Интер» жамоаси «Торино» меҳмони бўлади. Агар «нерадзуррилар» Туринда ғалаба қозонса ва «Милан» жамоаси «Ювентус»ни мағлуб эта олмаса, Симоне Инзаги шогирдлари муддатидан олдин чемпионликни расмийлаштиради. Бу ҳақда Goal.com хабар беради.
«Интер» айни дамда ажойиб спорт формасида бўлиб, кетма-кет тўртта ўйинда ғалаба қозонди. Жамоа ушбу учрашувларда рақиблар дарвозасига камида учтадан гол уришга муваффақ бўлди.
Шунингдек, миланликлар 2019 йилдан буён «Торино»га имкониятни бой бермай келмоқда.
Мезбонлар устози Роберто ДъАверса жамоага келганидан сўнг «Торино» ўз ўйинини сезиларли даражада яхшилади. Туриндаги сўнгги етти ўйиннинг тўрттасида ғалаба қозонилган бўлса-да, чемпионликка интилаётган «Интер»га қарши баҳс жамоа учун жиддий имтиҳон бўлиши кутилмоқда.
Таркибдаги йўқотишларга келсак, «Интер» сафида жароҳатидан тикланаётган сардор Лаутаро Мартинес ва тўпиғидан жароҳат олган Алессандро Бастони майдонга тушиши сўроқ остида турибди. «Торино» таркибида эса Дуван Сапата захира ўриндиғига қайтиши кутилмоқда.
“Zamin”ни Telegram'да ўқинг!
