«Манчестер Юнайтед» Англия Премьер лигасининг навбатдаги турида «Брентфорд» устидан 2:1 ҳисобида ғалаба қозонди. Ушбу натижадан сўнг жамоанинг келаси мавсумда Чемпионлар лигасида иштирок этиши деярли кафолатланди. Бу ҳақда Goal.com хабар беради.
Бироқ жамоа бош мураббийи Майкл Каррик футболчиларни хотиржамликка чорлади. У ўйинчиларга турнир жадвалидаги вазият ижобий бўлишига қарамай, муддатидан олдин байрам қилмаслик бўйича огоҳлантириш берди.
Учрашув давомида мухлислар ярим ҳимоячи Каземиро шарафига қўшиқлар куйлаб, унинг яна бир йил қолишини сўрашди. Каррик ушбу ҳолатга муносабат билдириб, бразилиялик футболчининг келажаги борасида клубнинг қарори қатъий эканини таъкидлади.
Мураббийнинг сўзларига кўра, Каземиронинг ёзги трансфер ойнасида жамоани тарк этиши аниқ режа бўлиб қолмоқда. Клуб раҳбарияти таркибни сезиларли даражада янгилашни ва ёшартиришни мақсад қилган.
“Zamin”ни Telegram'да ўқинг! 
