Дани Карвахаль ўзининг бутун фаолиятини, бир йиллик танаффусни ҳисобга олмаганда, Реал Мадрид сафида ўтказди. Бироқ, Мундо Депортиво хабарига кўра, клуб афсонавий ҳимоячи билан шартномани узайтирмасликка қарор қилди. Бу қарор футбол оламида катта шов-шувларга сабаб бўлмоқда. Бу ҳақда Goal.com хабар беради.
Карвахаль 2014-йилдан 2024-йилгача Чемпионлар лигасида олти марта зафар қучган таркибнинг сўнгги вакили эди. Лука Модрик, Тони Кроос ва Начо Фернандез каби юлдузлар кетганидан сўнг, эндиликда навбат 450 га яқин ўйинда майдонга тушган испаниялик ҳимоячига келди.
Вазиятнинг энг ачинарли томони шундаки, футболчи Мадридда яна бир мавсум қолишни истаган эди, аммо клуб раҳбарияти унинг илтимосини рад этди. Бундан ташқари, жароҳати сабабли Карвахаль ўзининг хайрлашув ўйинида ҳам майдонга туша олмаслиги мумкин.
Оёқ бармоғидаги синиш уни ЛаЛига мавсумининг сўнгги ўйинларидан ва эҳтимол, Испания терма жамоаси сафидаги муҳим мусобақалардан ҳам маҳрум қилади. Бу клуб тарихидаги энг муваффақиятли даврлардан бирининг жуда нохуш якуни сифатида баҳоланмоқда.
“Zamin”ни Telegram'да ўқинг!
