Англия Премер-лигаси доирасидаги Вест Хем ва Арсенал жамоалари ўртасидаги баҳс кескин вазиятлар билан ёдда қолди. Лондон стадионида ўтган учрашувда мезбонлар секторига кириб олган ва Арсенал голини нишонлаган бир гуруҳ мухлислар Вест Хем ишқибозлари томонидан куч ишлатилган ҳолда трибунадан чиқариб юборилди. Бу ҳақда Goal.com хабар беради.
Учрашувнинг 83-дақиқасида Леандро Троссард томонидан киритилган гол меҳмонларга ғалаба келтирди. Айнан шу гол нишонланиши пайтида ўзини фош қилиб қўйган Арсенал мухлислари мезбонлар ғазабига дуч келди. Стадион хавфсизлик ходимлари вазиятга аралашишга мажбур бўлди.
Ўйин якунида яна бир баҳсли вазият юзага келди. 95-дақиқада Каллум Вилсон томонидан киритилган гол VAR текширувидан сўнг бекор қилинди. Ҳакам Давид Рая дарвозасига нисбатан қоида бузилган деб топди, бу қарор эса Вест Хем жамоаси ва мухлисларини қаттиқ ғазаблантирди.
Вест Хем сардори Джаррод Боуэн ўйиндан сўнг ҳакамлик даражасини кескин танқид қилди. Ушбу ғалаба Арсенал жамоасини чемпионлик сари яна бир қадам яқинлаштирган бўлса-да, Микел Артета шогирдлари Бен Уайтнинг жароҳати сабаб йўқотишга учради.
“Zamin”ни Telegram'да ўқинг!
