Реал Мадрид президенти Флорентино Перез танқидлар остида қолган ҳужумчи Килиан Мбаппени ҳимоя қилиб чиқди. Перез франциялик футболчини жамоанинг айни дамдаги энг кучли ўйинчиси деб атади ва унинг мавсум давомида кўрсатган натижаларини ижобий баҳолади. Бу ҳақда Goal.com хабар беради.
Мавсумдаги муваффақиятсизликларга тўхталган клуб раҳбари бунга асосий сабаб сифатида тиғиз тақвимни кўрсатди. Унинг сўзларига кўра, Клублар ўртасидаги жаҳон чемпионатидан сўнг жамоа жисмоний ҳолатини тиклай олмаган ва ҳар уч кунда ўйин ўтказиш футболчиларнинг чарчашига олиб келган.
Перез, шунингдек, кийиниш хонасидаги ички низолар ҳақидаги хабарларнинг матбуотга чиқиб кетишидан норозилигини билдирди. У жамоа ичидаги муаммолар ташқарига чиқмаслиги кераклигини таъкидлаб, Федерико Вальверде ва Аурелиен Тчоуамени ўртасидаги можаро ҳақидаги миш-мишларга муносабат билдирди.
Президент Килиан Мбаппенинг Мадрид муҳитини тушуниб етганига ишонч билдириб, унинг кўплаб голлар урганини алоҳида қайд этди. Перез футболчининг жароҳат вақтидаги хатти-ҳаракатлари бўйича шахсий норозиликлари ҳақидаги гап-сўзларга қарамай, унинг маҳоратига шубҳа қилмаслигини тасдиқлади.
“Zamin”ни Telegram'да ўқинг!
