Массимилиано Аллегри мавсум якунида Милан клубини тарк этишга қарор қилди. Бунга бош мураббий ва клуб маслаҳатчиси Златан Ибраҳимовик ўртасидаги муносабатларнинг бутунлай бузилгани асосий сабаб бўлмоқда. Жамоа ичидаги келишмовчиликлар ва натижаларнинг ёмонлашуви тажрибали мутахассисни чарчатиб қўйди. Бу ҳақда Goal.com хабар беради.
Корриере делла Сера хабарига кўра, апрель ойи бошида Наполи билан ўйиндан сўнг томонлар ўртасида жиддий можаро юз берган. Баҳс келаси мавсум учун учинчи дарвозабонни танлаш масаласида келиб чиққан. Ибраҳимовикнинг Рафаел Леао ва Ёуссоуф Фофана каби футболчиларга тўғридан-тўғри қўнғироқ қилиб, тактик кўрсатмалар бериши Аллегри томонидан жиддий норозилик билан қабул қилинмоқда.
Милан сўнгги олтита ўйинда атиги бир марта ғалаба қозонди, бу эса жамоанинг Чемпионлар лигаси йўлланмасини қўлга киритиш имкониятини хавф остига қўйди. Аллегри ва Ибраҳимовик ўртасидаги зиддият 2012-йилда Арсеналга қарши ўйиндан кейин юз берган машҳур можарони эслатади. Ўшанда ҳам муаммо дарвозабонлар танлови туфайли келиб чиққан эди.
Аллегри клубнинг трансфер сиёсатидаги шаффофлик йўқлигидан ҳам норози. Январ ойида маблағ йўқлиги айтилган бўлса-да, кейинчалик Жеан-Пҳилиппе Матета учун 30 миллион евро сарфлангани мураббийнинг ғазабини келтирди. Агар Аллегри истеъфога чиқса, у Италия терма жамоасини бошқариши мумкинлиги айтилмоқда.
“Zamin”ни Telegram'да ўқинг!
