Манчестер Сити бош мураббийи Пеп Гуардиола Англия кубоги финали доирасида Челси жамоасига қарши кечадиган баҳсда Эрлинг Холанд ўзининг Вемблей стадионидаги голсиз сериясини якунлашига ишонч билдирди. Норвегиялик ҳужумчи ушбу стадионда ўтказган 8 та ўйинда ҳали рақиб дарвозасини ишғол қила олмаган бўлса-да, мураббий унинг эртанги ўйинда гол уришини кафолатлади. Бу ҳақда Goal.com хабар беради.
Гуардиола матбуот анжуманида журналистларнинг Холанднинг муҳим ўйинлардаги статистикаси ҳақидаги саволларига ҳазиломуз тарзда жавоб берди. "Менга бундай саволлар ёқади. Эртага у гол уради", - деди испаниялик мутахассис. Манчестер Сити жамоаси учун бу мавсумдаги ички кубоклар дублини қайд этиш жуда муҳим аҳамият касб этади.
Манчестер Сити сўнгги йилларда Челси билан ўзаро ўйинларда яққол устунликка эга ва 2021-йилги Чемпионлар лигаси финалидан бери лондонликларга қарши 13 та ўйинда мағлубиятга учрамаган. Челси учун эса ушбу финал мавсумни қутқариб қолиш ва соврин ютиш учун ягона имконият ҳисобланади.
Ушбу финал баҳсидан сўнг, Манчестер Сити диққатини Англия Премер-лигаси чемпионлиги учун Арсенал билан кечаётган кескин пойгага қаратади. Гуардиола шогирдлари мавсум якунида тарихий треблга эришишни мақсад қилган.
“Zamin”ни Telegram'да ўқинг!
