Мартин Одегаард якшанба куни тушдан кейин Англия Премер-лигаси кубогини боши узра баланд кўтарди. "Канонирлар" 22 йиллик танаффусдан сўнг илк бор чемпионликни нишонлашди. Микел Артета шогирдлари мавсумнинг сўнгги турида "Кристал Пелас" меҳмони бўлиб, 2:1 ҳисобида ғалаба қозонишди. Шу тариқа, Лондон клуби турнир жадвалида ўзининг энг яқин таъқибчиси Манчестер Сити жамоасидан 7 очко ўзиб кетди. Бу ҳақда Goal.com хабар беради.
Учрашувда Габриел Жесус 42-дақиқада ҳисобни очган бўлса, танаффусдан сўнг Нони Мадуеке орадаги фарқни иккитага оширди. Мезбонлар сафида Жеан-Пҳилиппе Матета битта жавоб голи урган бўлса-да, бу Арсенал байрамига халақит бера олмади. Ўйиндан сўнг футболчилар мураббий Микел Артетани ҳавога отиб, ғалабани ўзгача руҳда нишонлашди. Испаниялик мутахассис ушбу муваффақиятни узоқ кутилган ва машаққатли меҳнат маҳсули эканини таъкидлади.
Ушбу тарихий ўйинда яна бир рекорд ўрнатилди. Микел Артета 16 ёшли Max Доумен жамоанинг асосий таркибида майдонга туширди. Натижада Доумен 16 ёш-у 144 кунлик кўрсаткич билан Англия Премер-лигаси тарихида асосий таркибда дебют қилган энг ёш футболчига айланди. Бу клубнинг келажаги порлоқ эканидан далолат беради.
Ғалабага қарамай, чемпионлар сафида йўқотиш юз берди. Иккинчи гол муаллифи Нони Мадуеке ўйин охирида жароҳат олиб майдонни тарк этди. Эндиликда у келаси ҳафтада бўлиб ўтадиган Чемпионлар лигаси финалига қадар тикланишга ҳаракат қилади. Арсенал мухлислари учун бу 2003-04-йилги "мағлубиятсиз мавсум"дан кейинги илк чемпионлик сифатида тарихда қолади.
“Zamin”ни Telegram'да ўқинг!
