Барселона бош мураббийи Ханси Флик ҳимоя чизиғини кучайтириш мақсадида Баер Леверкусен ҳимоячиси Piеро Ҳинкапие номзодини кўриб чиқмоқда. Немис мутахассиси жамоада чап оёқли марказий ҳимоячи бўлишини истамоқда. Бироқ, бу трансферда Арсенал устунликка эга, чунки Лондон клуби эквадорлик футболчининг ижара шартномасида 45 миллион фунтлик сотиб олиш бандини киритган. Бу ҳақда Goal.com хабар беради.
Каталонияликлар ёзги трансфер ойнаси олдидан таркибни қайта шакллантиришда давом этмоқда. Нюкасл Унитед вингери Антонй Гордон билан келишувга эришган Барселона, эндиликда Атлетико Мадрид ҳужумчиси Хулиан Альварес трансферини ҳам устувор вазифа деб билмоқда. Даилй Маил нашрининг хабар беришича, Ҳинкапие ҳозирда ҳимоя учун асосий нишонга айланган.
Барселона аввалроқ Интер ҳимоячиси Алессандро Бастони билан қизиққан эди, бироқ молиявий сабабларга кўра эътиборини Ҳинкапиега қаратди. 24 ёшли футболчининг тўп билан ишлаш қобилияти ва тактик мослашувчанлиги Фликнинг талабларига тўлиқ жавоб беради. Аммо Арсенал аллақачон футболчи билан шахсий шартнома шартларини келишиб олган ва унга 5 йиллик битим таклиф қилмоқда.
Агар Арсенал сотиб олиш бандини фаоллаштирса, Барселона музокараларни бевосита Лондон клуби билан олиб боришига тўғри келади. Ҳозирча каталонияликлар вазиятни кузатишда давом этмоқда, аммо Арсеналнинг шартномавий устунлиги Барселона учун маневр майдонини чеклаб қўйган. Агар Лондонликлар фикридан қайтмаса, Флик бошқа муқобил вариантларни излашга мажбур бўлади.
“Zamin”ни Telegram'да ўқинг!
