Барселона ёзги трансфер ойнасида Манчестер Сити ҳимоячиси Йошко Гвардиолни ўз сафига қўшиб олишни режалаштирмоқда. Каталония клуби Атлетико Мадрид ҳужумчиси Хулиан Альварес билан музокаралар олиб бориш билан бир қаторда, ҳимоя чизиғини ҳам кучайтиришни мақсад қилган. Бироқ, "кўк-анорранглилар" бу борада Германия гиганти Бавария билан жиддий рақобатга киришишига тўғри келади. Бу ҳақда Goal.com хабар беради.
Хабарларга кўра, Бавария аллақачон хорватиялик универсал ҳимоячини Германияга қайтариш бўйича дастлабки сўровларни амалга оширган. Мюнхенликлар устози Венсан Компани жамоанинг ҳимоядаги муаммоларини ҳал қилиш учун Гвардиолни асосий номзод сифатида кўрмоқда. Айниқса, Алпҳонсо Давиес ва Ҳироки Ито жароҳатлар билан курашаётган бир пайтда, Гвардиолнинг трансфери немис клуби учун устувор вазифага айланган.
Германия футболи афсонаси Лотар Маттеус ҳам Бавария ушбу трансфер устида ишлаётганини тасдиқлади. Sky нашрига берган интервюсида у: "Мен бир ўйинчи ҳақида эшитдим ва у бўйича сўровлар амалга оширилмоқда. У илгари Лейпцигда ўйнаган, ҳозирда Манчестер Сити шарафини ҳимоя қилаётган чап қанот ва марказий ҳимоячи — бу Гвардиол", дея таъкидлади.
Шунга қарамай, Манчестер Сити ўзининг 90 миллион евролик харидини осонликча қўйиб юбормоқчи эмас. Пеп Гуардиола қўл остида ишончли ўйин кўрсатаётган 24 ёшли ҳимоячининг амалдаги шартномаси 2028-йилгача мўлжалланган бўлса-да, клуб раҳбарияти уни узоқ муддатга жамоада олиб қолиш учун янги битим тайёрламоқда.
Барселона учун бу трансферни амалга ошириш молиявий жиҳатдан анча мураккаб кечиши кутилмоқда. Клуб бир вақтнинг ўзида ҳам Гвардиол, ҳам Альваресни сотиб олишни истаса, ўзининг иқтисодий ҳолатини жиддий равишда тартибга солиши талаб этилади. Ҳозирча ҳар икки гранд клуб ҳам футболчининг вакиллари билан алоқада бўлиб турибди.
“Zamin”ни Telegram'да ўқинг!
