Рияд Марез фаолиятида кутилмаган инқироз: Ал-Аҳли шартномани бекор қилди, Италия рад этди

2 дақиқа ўқиш179
Рияд Марез фаолиятида кутилмаган инқироз: Ал-Аҳли шартномани бекор қилди, Италия рад этди
ҚисқачаAI ёрдамида тайёрланганКўрсатиш
  • Саудия Арабистонининг Ал-Аҳли клуби 2027-йилнинг июнигача мўлжалланган шартномани муддатидан олдин бир томонлама бекор қилиши натижасида Рияд Марез эркин агентга айланди.
  • Goal.com хабарига кўра, клуб раҳбарияти бу кескин қарорни футболчи терма жамоа ихтиёрида бўлган вақтда қабул қилган.
  • Шунингдек, ОАВда Марезнинг Италиянинг Комо клубига ўтиши ҳақида тарқалган хабарлар жамоа спорт директори Карло Алберто Луди томонидан расман инкор этилди.

Жазоир терма жамоаси ва жаҳон футболи юлдузларидан бири Рияд Марез кутилмаган ва оғир дамларни бошдан кечирмоқда. Бир пайтлар Манчестер Сити таркибида Европа ва Англия майдонларида зафар қучган вингер кутилмаганда эркин агентга айланди ва унинг келажаги катта сўроқ остида қолмоқда. Бу ҳақда Goal.com хабар беради.

Маълум бўлишича, Саудия Арабистонининг Ал-Аҳли клуби жазоирлик футболчи билан амалдаги шартномани муддатидан олдин бекор қилган. Энг қизиғи, Марезнинг клуб билан келишуви 2027-йилнинг июнига қадар давом этиши керак эди. Винвин нашри берган маълумотларга кўра, клуб раҳбарияти футболчи терма жамоа ихтиёрида бўлган вақтда бундай кескин қарорга келган.

Ушбу воқеа атрофида зиддиятли ҳолатлар ҳам йўқ эмас. Аввалроқ Ал-Аҳли раҳбарияти Марез билан шартномани яна бир мавсумга узайтириш бўйича келишувга эришгани айтилган эди. Бироқ, футболчи АҚШдаги халқаро турнирдан қайтиши арафасида шартнома бир томонлама бекор қилингани маълум бўлди. Бу ҳолат Жазоир матбуотида кескин танқидларга сабаб бўлди.

Италия клубидан кутилмаган раддия

Ҳозирда 35 ёшни қаршилаган Рияд Марез учун янги жамоа излаш жараёни ҳам осон кечмаяпти. Сўнгги кунларда ОАВда футболчининг Италия А Сериясига йўл олган Комо клубига ўтиши ҳақида хабарлар тарқала бошлаган эди. Бироқ, бу миш-мишлар узоққа бормади.

Комо клуби спорт директори Карло Алберто Луди ушбу хабарларни расман инкор этди. Унинг таъкидлашича, Италия жамоаси жазоирлик вингерга нисбатан ҳеч қандай қизиқиш билдирмаяпти. "Йўқ, биз жорий ёзги трансфер ойнасида жазоирлик футболчи билан шартнома имзолаш ниятида эмасмиз", дея қисқа ва лўнда жавоб берди клуб расмийси.

Рияд Марез 2023-йилнинг ёзида Манчестер Сити сафидан 35 миллион евро эвазига Саудия клубига кўчиб ўтган эди. Унинг трансфери ўша вақтда Осиё футболи учун катта воқелик сифатида баҳоланган. Аммо орадан бир йил ўтиб, футболчи нафақат клубсиз қолди, балки унинг юқори даражадаги фаолияти ҳам хавф остида қолмоқда.

Ҳозирча Марезнинг кейинги манзили қаер бўлиши номаълум. Эркин агент мақомида бўлгани унга исталган клуб билан музокара ўтказиш имконини берса-да, ёши ва сўнгги вақтлардаги спорт формаси Европанинг етакчи жамоаларида қизиқиш уйғотиши қийин кечиши мумкин. Футболчи фаолиятини бошқа бир араб клубида ёки MLS чемпионатида давом эттириши эҳтимоли кўпроқ кўрилмоқда.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?