Нюкасл Бруну Гимараес ўрнига Феликс Нмечани танлади

Ёзги трансфер мавсуми яқинлашгани сари Европа футболида йирик ўзгаришлар ва қизиқарли миш-мишлар авж олмоқда. Goal.com хабар беришича, Англиянинг Нюкасл Юнайтед клуби ўз сардори Бруну Гимараеснинг эҳтимолий кетишига тайёргарлик кўра бошлади. Жамоа раҳбарияти бразилиялик яримҳимоячининг ўрнини муносиб тарзда эгаллай оладиган асосий номзод сифатида Боруссия Дортмунд вакили Феликс Нмечани танлади ва аллақачон дастлабки музокараларга киришди. Бу ҳақда Goal.com хабар беради.

Маълум бўлишича, Нюкасл таркибни кучайтириш борасида изланишларни бошлаб юборган ва Германия терма жамоаси аъзосини марказий чизиқ учун мутлақ устувор мақсад сифатида белгилаган. ЛЪEқуипе нашрининг ёзишича, инглиз клуби раҳбарияти 25 ёшли футболчини ўйин услубига мос келувчи энг мақбул ечим деб ҳисобламоқда. Шунингдек, қисқа рўйхатда Порту яримҳимоячиси Виктор Фроҳолдт ҳам бор, бироқ Дортмунд футболчиси клуб учун асосий устувор вазифа бўлиб қолмоқда.

Катта трансферлар занжири ва молиявий имкониятлар

Ушбу фаоллик бевосита жамоа сардори Бруну Гимараеснинг кутилаётган трансфери билан боғлиқ. Бразилиялик мухлислар севимлиси фаолиятини Премер-лиганинг бошқа бир гранд клуби – Арсенал сафида давометишга яқин турибди. Тахминларга кўра, «тўпчилар» юлдуз футболчи учун 90 миллион евро атрофида маблағ сарфлашга тайёр.

Арсенал томонидан таклиф этилаётган бу улкан молиявий тушум Нюкасл раҳбариятига янги мавсум олдидан марказий чизиқни қайта шакллантириш учун катта имконият яратади. Эслатиб ўтамиз, жамоа аввалроқ Сандро Тонамини Тоттенхемга бой берганди. Шу боис, таркибдаги йўқотишларни ўрни тез фурсатда тўлдирилиши талаб этилади.

Боруссия Дортмунд талаблари

Бироқ Нюкасл ўз олдига қўйган мақсадига эришиш учун жиддий молиявий тўсиқларни енгиб ўтишига тўғри келади. Боруссия Дортмунд клуби ўз етакчисини арзон нархда қўйиб юбориш ниятида эмас. Немис гранди футболчи учун камида 120 миллион евро талаб қилмоқда ва бу суммадан паст таклифларни муҳокама қилишдан ҳам бош тортмоқда.

Қайд этилишича, Феликс Нмечанинг Дортмунд билан амалдаги шартномаси 2030-йилнинг июнигача мўлжалланган бўлиб, бу немис клубига музокараларда устунлик тақдим этади. У ўтган мавсум давомида Бундеслига доирасида 29 та учрашувда майдонга тушиб, 2 та гол муаллифи бўлди. Шунингдек, у Германия терма жамоаси сафида ҳам халқаро майдонларда тажриба орттирган.