“Пахтакор” беш нафар футболчи билан шартнома имзолади

Тошкентнинг "Пахтакор" клуби иккинчи давра олдидан беш нафар янги футболчини жамоатчиликка таништирди. Бу ҳақда ЎзПФл матбуот хизмати маълум қилди.

Олий Лига иккинчи даврасига тайёргарлик кўраётган Тошкентнинг "Пахтакор" клуби ўз таркибини 3 нафар легионер футболчи билан тўлдирди. Бунгача черногориялик Марко Симич билан шартнома имзолаган "Пахтакор", бразилиялик Тияго Безерра ҳамда исроиллик Гидик Канюк билан ҳам шартнома имзолади.

Шунингдек, "Насаф" аъзолари - Элдор Суюнов ҳамда ҳимоячи Шерзод Аъзамов, "Олмалиқ" ҳужумчиси Забиҳилло Ўринбоев ҳам "Пахтакор"нинг янги аъзолари сифатида ОАВ ходимларига таништирилди. «Замин»ни Telegram’да ўқинг!