ЎФФ логотипини ўзгартиради, Суперлига ва Про-лигалар учун ҳам янги логотиплар яратилади

  • 24-11-2017, 15:00
  • 1 380
  • Спорт
  • ЎФФ логотипини ўзгартиради, Суперлига ва Про-лигалар учун ҳам янги логотиплар яратилади
    Ўзбекистон Футбол Федерацияси «Digital Panda» компанияси билан ҳамкорликда кенг кўламдаги акция ўтказишга ҳозирлик кўрмоқда.

    Ташкилот расмий сайтининг маълум қилишича ЎФФ ўзининг ўтказаётган янги ислоҳотлари орқали миллионлар ўйини ҳисобланган ҳисобланган футболни Ўзбекистонда янада ривожлантиришга ҳамда уни юқори босқичга олиб чиқишга ҳаракат қилмоқда.

    Ўзбекистон Футбол Федерацияси бу борада ташкилот ҳамда келаси йилдан ташкил этиладиган Суперлига ва Про-лигалар учун янги логотип яратишга қарор қилди.

    Агарда сиз бу тарихнинг бир бўлаги бўлишни ва футболимиз ривожига ўз ҳиссангизни қўшишни истасангиз жорий йилнинг 1 декабридан бошланадиган логотиплар танловда иштирок этиб, қимматбаҳо совринлар ютиб олишингиз ва футболимиз тарихига киришингиз мумкин.

    «Digital Panda» компанияси ҳақида қисқача маълумот: Ушбу компания 2015 йилдан бери юртимизда рақамли маркетинг соҳасини ривожлантиришга ўз ҳиссасини қўшиб келмоқда. 2017 йилдан бошлаб «Digital Panda» “Mail.ru Group” компаниясининг Ўзбекистондаги эксклюзив вакили сифатида фаолият юритмоқда.

    Шунингдек, «Digital Panda» “Ucell”, “Beeline”, “UMS”, “Artel”, “Meva”, “Uzdigital TV”, “Dolce & Gabbana”, “TPS”, “Uzmobile”, “Mediapark”, “Multi Mafe”, “Samsung” каби брендлар билан ҳамкорликда иш олиб боради.

    » » ЎФФ логотипини ўзгартиради, Суперлига ва Про-лигалар учун ҳам янги логотиплар яратилади