21:20 / 01.01.2018
3 208

Неймар «Олтин самба» совринини қўлга киритди

Неймар «Олтин самба» совринини қўлга киритди
«ПСЖ» ҳужумчиси Неймар 2017 йил якунига кўра, «Олтин самба» мукофотини олди.

25 ёшли ҳужумчи учинчи марта (2014, 2015, 2017) нуфузли совринни қўлга киритиб, ватандоши ва «Пари Сен-Жермен» клубидаги жамоадоши Тиаго Силва (2011-2013) билан тенглашиб олди.

Маълумки, бу мукофот Европада тўп сурадиган энг яхши бразилиялик футболчига топширилади. Ғолиб журналистлар, мухлислар ва собиқ футболчилар томонидан аниқланади.

Бу йилги сўровнома натижалари қуйидагича бўлди: Неймар (27,71%), Филиппе Коутиньо («Ливерпуль», 16,64%), Марсело («Реал», 14,43%), Паулиньо («Барселона», 13,64%) ва Каземиро («Реал», 7,19%).

Таъкидлаш жоизки, мухлислар орасидаги сўровномада Паулиньо (31,83%), собиқ футболчилар сўровномасида Неймар (39,39%), журналистлар орасидаги сўровномада Марсело (30,30%) ғолиб бўлди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Неймар «Олтин самба» совринини қўлга киритди