Суперлига клубларида иштирок этадиган футболчиларнинг жисмоний ҳолати Ўзбекистон Футбол Ассоциацияси томонидан тасдиқланган тест-синовлари орқали назорат қилиб борилиши ҳақида аввал хабар бериб ўтгандик.
Шуни ҳам алоҳида таъкидлаш керакки, бу каби тест-синовлари ўзбек футболида илк марта амалга оширилаётган бўлиб, футболчиларнинг жисмоний ҳолати Ўзбекистон Футбол Ассоциацияси 1-вице-президенти Умид Аҳмаджонов томонидан шахсан назорат қилиб борилмоқда.
Синовларнинг дастлабкиси ўтган йилнинг декабрь ойида ўтказилиб, милий чемпионатимиз клублари футболчиларининг жисмоний ҳолати ҳақида умумий хулоса қилинганди.
Белгиланган режа асосида янги мавсум олдидан Суперлига клублари футболчилари иккинчи марта нормативларни топширишди.
Мазкур тест-синовлари тизими Ўзбекистон Футбол Федерациясининг Техник ривожлантириш бошқармаси илмий-методик гуруҳи мутахассислари педагогика фанлари номзоди, профессор Шамиль Исеев бошчилигидаги мутахассислар томонидан ишлаб чиқилганини ҳам алоҳида таъкидлаш керак.
Шамиль Исеев Суперлига клублари футболчиларидан қабул қилинаётган нормативлар ва уларнинг натижалари ҳақида ўз фикрларини билдириб ўтди.
“Ўзбекистон футбол Ассоциацияси 1-вице-президенти Умид Аҳмаджоновнинг топшириғига кўра, белгиланган режа асосида ўтган йилнинг декабрь ойида футболчилардан дастлабки нормативларни қабул қилиб олгандик. Ўшанда аксарият футболчиларнинг натижалари салбий чиққанди. Шундан кейин клублар мураббийлари ва футболчиларнинг ўзларига бу натижалар кўрсатилиб, ҳар бир футболчи жисмоний ҳолатини яхшилаш учун ўз устида ишлаши кераклиги таъкидланди.
Шу ўринда, нормативларни жорий қилишдан асосий мақсад футболчиларнинг жисмоний ҳолатини назорат қилиб бориш, шу йўл орқали терма жамоаларимизга жисмоний жиҳатдан 90 дақиқа юқори темпда ҳаракат қиладиган футболчилар етишиб чиқишини таъминлашдан иборат эканини ҳам алоҳида таъкидлаш керак.
Шу йилнинг 10 февраль куни Суперлига клублари футболчиларидан иккинчи нормативларни қабул қилишни бошладик. Умумий хулоса қилиб айтадиган бўлсак, футболчиларнинг жисмоний ҳолатида яхши томонга ўзгариш кўзга ташланди. Ҳар бир клуб мураббийлари дастлабки нормативлардан сўнг ўз жамоасидаги футболчилар билан бу борада иш олиб боргани сезилди. Лекин шунга қарамай, клубларда натижалари қониқарсиз чиққан футболчилар ҳам бор. Бу борада энг яхши кўрсаткич “Қизилқум” ва “Навбаҳор” футболчилари томонидан қайд этилди.
Биз Суперлига клублари футболчиларига яна имкон берганмиз. Шу ўринда нормативларни топшириш учун футболчи ўз устида мунтазам ишлаши кераклигини таъкидлаб ўтиш зарур. Ўз устида ишламаган футболчилар нормативларни топшира олишмайди.
26 февраль куни футболчиларякуний тест-синовлари топширишади. Ана ўшанда ҳам керакли натижа қайд эта олмаган футболчилар бўлса, улар Суперлига баҳсларидан четлаштирилади”, - дейди Шамиль Исеев.
Манба: www.the-uff.com “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Жо Байден: “Баъзан хотиним мени космосга жўнатиш билан таҳдид қилади”
Омега-3 қандай қилиб озишга ёрдам беради?
Эрон АҚШдан 1 трлн доллар компенсация талаб қилди
Apple донгдор икки айфонини расман эскирган деб эълон қилди
Айрим бошқарув сервис компаниялари шартномаларида асоссиз шартлар белгилангани аниқланди
Шольц ва Путин ўртасидаги суҳбат Киевга сигнал бўлди
Россиялик депутат: «Олий маълумотлиларнинг курерлик қилиши — ватанпарварликка зид»
