Хорватия ўзидан яхши таассурот қолдирмоқда. Худди улар жаҳон чемпионлиги учун даъвогардек.
ХОРВАТИЯ ҲАҚИДА
Хорватия термаси ҳар доим кучли жамоалардан бири бўлиб келган. Уларда Евро ёки ЖЧнинг камида ярим финалига чиқишга лойиқ таркиби бор. Мана ҳозирда уларнинг таркиби даҳшатли даражада - Чорлука, Ловрен, Модрич, Перишич, Манджукич, Ракитич, Ковачич, Брозович, Бадель, Врсалько... Шунчаки ажойиб. Улар Евро-2016да Португалияга қай тарзда мағлуб бўлиб, 1/4 финалга чиқа олмаганини яхши эслаймиз.
Энди Хорватиянинг баланд дорга осиладиган вақти келди. Улар совринли ўринлар орқали қандай даражада эканлигини кўрсатишлари керак. Келинг, энди термаларнинг таркибини бироз тахлил қиламиз. Кетдик.
ТАРКИБДАГИЛАР ГЎЁКИ "МАШИНА"
Яна бир бор Хорватиянинг 1/4 финалга чиқа олмагани ёмон ҳолат бўлганини тушунтириб ўтаман. Мақоланинг бошида терманинг етакчилари сифатида Ракитич, Модрич ва Манжукичларни келтириб ўтдик. "Барселона", "Реал", "Ювентус" футболчилари бироз тўхтанг. Албатта, уларнинг ўйинлари барча рақиблар учун қийинчилик туғдиради. Бу футболчилар стандартларни яхши ижро этишади, узоқ масофалардан зарбалар йўллашади, асосийси топ-жамоаларнинг шарафини ҳимоя қилишади. Марио жарима майдончаси ичида боши билан яхши ўйнайди, барча схемаларга мос тушади, бу унинг плюс томонлари. У бундай сифатлари билан ҳар доим асосий таркибда ўйнай олади. Умуман олганда терма сафидаги барча футболчилар ўз клубларида етакчи. Златко Далич миллий термани қийин ва танқидли даврда қабул қилиб олди ва шу даражага олиб чиқди. Энди у йигитларидан максимум кучни талаб қилишга ҳақли.
АРГЕНТИНА ҲАҚИДА
Аслида Аргентина мундиал йўлланмасига сўнгги дақиқаларда эга чиққанди. Жамоа саралашда нурсиз ўйин намойиш қилиб, барчани ранжитаёзганди. Таркибга аҳамиёт беринг: Месси, Игуаин, Ди Мария, Дибала... Аргентина таркибидаги барча футболчи ўз клубининг энг муҳим футболчиларидан. Месси - футбол қиролларидан бири, Агуэро - "Манчестер Сити", Игуаин - "Ювентус" тўпурари. Улар ўтган сафарги мундиалда аъло даражадаги ўйин намойиш қилишганди. Энди-чи...
Дибала "Ювентус"да космик ўйин кўрсатаётган бир вақтда Сампаоли телевизордан нимани томоша қилаётганди? Ўзи умуман футболни тушунадими деди кўпчилик.
(Яқинда Златан Ибрагимович ҳужумчи Карим Бензема Франция термаси учун лойиқ футболчилигини айтганди. Агар у бунга лойиқ кўрилмаса, Каримни термага чақирмаётган Дидье Дешам Франция учун нолойиқ инсон деганди)
АРГЕНТИНА МУРАББИЙИ ҲЕЧ НИМАНИ ТУШУНМАЙДИ
Келинг, Златаннинг гапига иддао сифатида Сампаолини ҳам терма бош мураббийлиги учун нолойиқ деб ҳисоблаймиз. У қўлида яхшигина масаллиқлар бўлса-да, ҳеч ким емайдиган овқатни пиширадиган ошпаз ролини ўйнамоқда. Тўғри, у Чилида ажойиб ишлади, "Копа Америка"ни қўлга киритди. Айнан шундай аспектлар туфайли Лео Мессининг устози бўлди. Хўш, унинг Аргентина термасидаги ўтган фаолияти давомида яхши иш қилдими? Йўқ! Испания (1:6), Нигерия (2:4) каби термаларга шармандаларча мағлуб бўлди. Аргентина ЖЧ-2018нинг 2 турида 6 имкониятдан 1 очко олди. Шу натижанинг ўзи мураббийнинг савиясидан далолат.
Аргентина мундиалнинг энг кучсиз термаси. Уларнинг ўйинларида мантиқ йўқ. Ҳатто чемпионат бошланишидан олдин аутсайдерлар қаторига кирган Россия ҳам қандай ўйин кўрсатаётганини томоша қиляпсиз. Аргентинанинг энг катта хатоси - Хорхе Сампаоли.
Манба: championat.asia “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШнинг Ғазодаги сиёсатидан норози Давлат департаменти расмийси истеъфога чиқди
Зоир Мирзаев “Телефонсиз мактаб”га 300 млн сўм мукофот берди
Ортиқча вазнли инсонлар учун соғлом овқатланишнинг бешта муҳим қоидаси
Лукашенко Ғарбга таҳдид билан чиқди
Германияда мактаб ўқувчилари оммавий равишда ислом динини қабул қилмоқда
Сариқми ёки яшил: қайси турдаги банан фойдалироқ?
Руслар Abrams танкларининг заиф томонини топишди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
