12:30 / 26.08.2018
3 378

Абрамович «Челси»ни сотиш устида иш бошлади

Абрамович «Челси»ни сотиш устида иш бошлади
Россиялик бизнесмен Роман Абрамович «Челси»ни сотиш имкониятларини кўриб чиқмоқда. Бу ҳақда Kun.uz хабар бермоқда.

Хабар қилинишича, у спорт ва технология компаниялари бўйича ихтисослашган Raine Group инвестиция банки билан алоқага чиққан ва клубнинг сотуви бўйича вазиятни баҳолашни сўраган.

Абрамовичнинг вакиллари бу хабарга изоҳ беришмаяпти. Қайд этилишича, бундан аввалроқ Абрамович Американинг Silver Lake Partners компаниясидан клубни сотиб олиш бўйича тушган таклифни рад этганди. Шунингдек, буюк британиялик бизнесмен Жеймс Рэтклиффнинг 2 миллиард фунтлик таклифига ҳам рад жавоби берилганди.

Шу йилнинг 31 майида «Челси» янги стадион қурилиши бўйича лойиҳадан воз кечганди. Бу «ёмон инвестиция муҳимти» билан изоҳланганди.

Абрамович «Челси»ни 2003 йилда 140 миллион фунт эвазига харид қилганди. Ўтган вақт ичида жамоа 5 марта Англия чемпиони бўлди ва 5 марта Англия Кубогини қўлга киритди.

Маълумот учун, май ойида Роман Абрамовичга Буюк Британия инвестиция визаси узайтириб берилмаган эди. Шундан сўнг, у Исроил фуқаролигини олишга мажбур бўлди. Исроил фуқаролиги Буюк Британия ҳудудида 1,5 йил муддат давомида бўлишга имкон беради.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Абрамович «Челси»ни сотиш устида иш бошлади